Dechrau arni

Mae’r Hyb Gallu Ymchwil yn helpu cymuned gwyddorau cymdeithasol y DU i ddod o hyd i hyfforddiant ymchwil, ei rannu a’i lunio. Mae’n dod â chyrsiau, digwyddiadau, adnoddau a chyfleoedd datblygu ynghyd gan ystod eang o ddarparwyr mewn un lle.

Defnyddiwch y canllaw hwn i ddeall beth y mae’r platfform yn ei gynnig ar hyn o bryd, beth sy’n dal i gael ei ddatblygu yn ystod y cyfnod beta, a sut y gall ymchwilwyr, darparwyr a phartneriaid gymryd rhan.

Beth y gallwch ei wneud

Gallwch ddefnyddio’r Hyb i ddarganfod hyfforddiant ac adnoddau, archwilio cyfleoedd yn ôl thema neu bwnc, a dod o hyd i ddarpariaeth gan wahanol sefydliadau heb chwilio ar draws nifer o wefannau.

• Pori a chwilio: Gall unrhyw un bori neu chwilio am hyfforddiant, digwyddiadau, adnoddau a chanllawiau sy’n cefnogi gwahanol gamau cylch bywyd ymchwil.
• Cynllunio eich datblygiad: Gall ymchwilwyr gofrestru i roi nod tudalen ar gyrsiau hyfforddi, adnoddau a digwyddiadau, eu trefnu mewn rhestrau lluosog, a rhannu’r rhestrau hynny ag eraill - gan helpu i adeiladu llwybrau dysgu personol a chynlluniau datblygu gyrfa.
• Rhannu eich darpariaeth: Gall darparwyr gofrestru a chyhoeddi gwybodaeth am eu cyrsiau, digwyddiadau ac adnoddau fel eu bod yn haws i ymchwilwyr a dysgwyr eu darganfod.
• Llunio’r ecosystem: Gall partneriaid a rhanddeiliaid helpu i nodi bylchau, llywio blaenoriaethau’r dyfodol a chyfrannu at ecosystem hyfforddiant ymchwil fwy cysylltiedig.

Os ydych yn ddarparwr dysgu

Os yw eich sefydliad yn cynnig hyfforddiant ymchwil, datblygiad proffesiynol, hyfforddiant methodolegol neu weithgareddau eraill i feithrin gallu ar gyfer ymchwilwyr gwyddorau cymdeithasol, gallwch gofrestru fel darparwr. Bydd hyn yn eich galluogi i ychwanegu cyrsiau at y safle; nid yw’r Hyb yn disodli eich gwefan na’ch system archebu eich hun; mae’n helpu ymchwilwyr i ddarganfod eich darpariaeth ac yn eu cyfeirio’n ôl atoch chi.

Os ydych yn ymchwilydd

Gall ymchwilwyr gofrestru gyda’r Hyb i roi nod tudalen ar gyrsiau hyfforddi, adnoddau a digwyddiadau. Gallant drefnu nodau tudalen mewn rhestrau lluosog ar gyfer gwahanol ddiddordebau, prosiectau neu nodau datblygu, a rhannu’r rhestrau hynny ag eraill, er enghraifft gyda chydweithwyr, goruchwylwyr, carfannau neu rwydweithiau.

Yn y dyfodol, bydd llwybrau dysgu yn defnyddio’r wybodaeth y mae dysgwyr yn ei darparu i awgrymu hyfforddiant ac adnoddau sy’n cyfateb i’w diddordebau, eu hanghenion datblygu a’u cam ymchwil.

Statws beta

Mae’r Hyb yn y cyfnod beta ar hyn o bryd. Rydym wrthi’n ehangu ystod y cyfleoedd dysgu a datblygu sydd ar gael, ac mae rhywfaint o gynnwys a rhai nodweddion yn dal i gael eu mireinio. Wrth i’r Hyb dyfu, byddwn yn parhau i wella meysydd megis chwilio, hidlo, llywio, rhoi nod tudalen, a llwybrau dysgu personol. Mae eich cyfranogiad a’ch adborth yn ein helpu i nodi blaenoriaethau, gwella profiad y defnyddiwr, a llywio datblygiad yr Hyb yn y dyfodol ar gyfer dysgwyr, darparwyr ac ymchwilwyr.

Beth sy’n dod nesaf

Dros y misoedd nesaf, byddwn yn ehangu’r ystod o gynnwys, yn gwella chwilio a llywio, yn cryfhau metadata a chategoreiddio, ac yn datblygu llwybrau dysgu sy’n defnyddio gwybodaeth a ddarperir gan ddysgwyr i awgrymu hyfforddiant ac adnoddau perthnasol. Byddwn hefyd yn rhannu mwy o wybodaeth am y Gronfa Hyblyg, a fydd yn cefnogi gweithgarwch hyfforddi a meithrin gallu newydd mewn meysydd blaenoriaeth a nodwyd gan y gymuned.

Helpwch ni i wella’r Hyb

Mae’r Hyb yn cael ei ddatblygu gyda’r gymuned ymchwil, felly mae eich adborth yn bwysig. Dywedwch wrthym beth sy’n gweithio’n dda, beth sy’n anodd dod o hyd iddo, ble mae bylchau, a beth fyddai’n gwneud y platfform yn fwy defnyddiol.

Gallwch rannu adborth gan ddefnyddio’r botwm adborth ar y wefan neu drwy gysylltu â thîm yr Hyb.

Cofrestrwch i wneud y mwyaf o’r Hyb

• Cofrestrwch fel ymchwilydd i roi nod tudalen ar gyrsiau hyfforddi, adnoddau a digwyddiadau, eu trefnu mewn rhestrau lluosog a’u rhannu ag eraill.
• Cofrestrwch fel darparwr i ychwanegu hyfforddiant eich sefydliad a helpu ymchwilwyr i ddod o hyd i gyfleoedd perthnasol.